रातोपोस्ट संवाददाता
काठमाडौं, १२ असार । लमजुङमा पहिरोले दुइवटा घर बगाउँदा चारजना बेपत्ता भएका छन् । क्व्होलासोथार गाउँपालिका–३ मा मंगलबार राति गएको पहिरोले दुईवटा घर बगाउँदा चारजना बेपत्ता भएको जिल्ला प्रहरी कार्यालय लमजुङका प्रहरी निरीक्षक मेगनाथ चापागाईंले जानकारी दिए ।
रुद्रमणि गुरुङ र पञ्चकुमारी गुरुङको घर बगाएको हो । “रुद्रमणि गुरुङको घर बगाउँदा रुद्रमणि र पञ्चकुमारी गुरुङको घर बगाउँदा उनीसहित उनको परिवारका तीजना बेपत्ता भएका हुन्,” प्रहरी निरीक्षक चापागाईंले बाह्रखरीसँग भने ।
स्थानीय प्रहरी चौकीबाट घटनास्थलमा प्रहरी पुगिसकेको उनले बताए । जिल्ला प्रहरी कार्यालयबाट डीएसपी मीनबहादुर घलेको नेतृत्वमा उद्धारका लागि थप प्रहरी गएको उनले जानकारी दिए ।