शिवसताक्षी। झापाको शिवसताक्षीमा जारी तेस्रो सताक्षी गोल्डकपमा आज भएकाे खेलमा मच्छिन्द्र फुटबल क्लब सेमीफाइनलमा प्रवेश गरेको छ ।
बुधबार भएको खेलमा गोर्खा वइज रुपन्देहीलाई २–१ गोल अन्तरले पछि पार्दै ए डिभिजन लिग विजेता मच्छिन्द्र फुटबल क्लब सेमीफाइनलमा प्रवेश गरेको हो । मच्छिन्द्रले सेमीफाइलन खेलमा अब त्रिभुवन आर्मीसँग सामाना गर्नेछ ।
खेलको १६ औं मिनेटमा गोर्खा व्वइजका काजिमले गोल गर्दै खेललाई अग्रता दिलाएका थिए । गोर्खाका खेलाडी ओलाकाजीको पासलाई भरपुर सदुपयोग गर्दै काजिमानले गोल गर्न सफल भएका हुन् ।
त्यस्तै खेलको २५ औं मिनेटमा रञ्जित धिमालले गरेका कर्नर प्रहारलाई विदेशी खेलाडी आन्द्रेस निअले गोल गरेपछि खेल बराबरीमा फर्किएको थियो ।
खेलको ३३ औं मिनेटमा मछिन्द्रले अर्को गोल थप्दै दोब्बरले अग्रता कायम गरे । सरोज योञ्जनको हातमा बलले छोएपछि पाएको पेनेल्टीलाई मछिन्द्रका विमल घर्ती मगरले गोल गर्न सफल भएका थिए ।
खेलको म्यान अफ दी म्याच मछिन्द्रका विमल घर्ती मगर घोषित भए । उनले नगद १० हजार प्राप्त गरे । खेलमा दुवै तर्फबाट गरिएको उत्कृष्ट प्रहार बाहिरिएको थियो ।
सताक्षी गोल्डकपको विजेताले नगद ६ लाख र उपविजेताले ३ लाख प्राप्त गर्नेछन् । भोली विहीबारको पहिलो सेमीफाइलन खेल आयोजक सतासीधाम स्पोर्टिङ्ग क्लब र रुस्लान थ्रिस्टार क्लब बीच हुनेछ ।
