झापा। स्वतन्त्र विद्यार्थी युनियन काँकरभिट्टा बहुमुखी क्याम्पस र काँकरभिट्टा उच्च माबीका विद्यार्थीले शनिबार पूर्वी सीमा नाका काँकरभिट्टाबाट भारतले गरेको सीमा अतिक्रमण विरुद्ध प्रदर्शन गरेका छन् ।
स्वतन्त्र विद्यार्थी युनियन काँकरभिट्टा बहुमुखी क्याम्पस र काँकरभिट्टा उच्च माबीकाे आयोजनामा भारतको विस्तारवादी नीति विरुद्ध चर्का नारा लगाउँदै सुरु भएको र्याली काँकरभिट्टा बजारका विभिन्न भागको परिक्रमा गरी कोण सभामा परिणत भएको थियो ।
काँकरभिट्टा बजारमा आयोजित सभालाई सम्बोधन गर्दै काँकरभिट्टा क्याम्पसका स्वबियु सभापति सुरज सुबेदिले लिपुलेक, कालापानीलगायत नेपाली भूमिमाथि धावा नबोल्न भारतलाई चेतावनी दिए ।
नेपाली झण्डा हातमा बोकेका विद्यार्थीले नेपालको सीमा क्षेत्र नमिच्न भारतलाई चेतावनीसमेत दिएका छन्। कोणसभामा नेपाल विद्यार्थी संघ (नेविसंघ)मेचीनगरका सचिब रुपक पराजुलीले गरेका थिए ।
