रातोपोस्ट संवाददाता
झापा, २७ फागुन । नेकपा ( एकीकृत समाजवादी) झापाकाे बिर्तामोड नगर कमिटीको विस्तारित बैठकले जिल्ला कमिटी सदस्यहरुलाई वडामा जिताउने संकल्पसहित विशेष जिम्मेवारी प्रदान गरेको छ ।
पार्टी जिल्ला अध्यक्ष वेदराज रेग्मीको प्रमुख आतिथ्यमा बिहीवार बसेको बैठकले सो निर्णय गरेको हो । बैठकले सबै टोल कमिटी बनाउने योजना ल्याएको छ ।
बैठकमा पार्टी प्रदेश कमिटी सदस्य विमल उप्रेती, पार्टी केन्द्रीय सल्लाहकार सदस्य नारायण उप्रेती, समाजवादी प्रेस संगठन केन्द्रीय उपाध्यक्ष तथा प्रचार विभाग प्रमुख तिर्थ सिग्देलको उपस्थिति रहेको थियो । नगर कमिटीका अध्यक्ष श्रीप्रसाद सिटौलाको अध्यक्षतामा भएको बैठकको संचालन सचिव कृष्ण विष्टले गरेका थिए ।