मेचीनगर, १८ माघ । मेचीनगरमा सोनाम ल्होसारको अवसरमा नेपाल तामाङ घेदुङ संघ मेचीनगर–६ ले विहिबार शुभकामना आदानप्रदान तथा सांस्कृतिक कार्यक्रम गरेको छ । स्थानीय फारसाङ नाम्दाग गे फेलिङ गुम्बामा एक कार्यक्रमको आयोजना गर्दै तामाङ घेदुङ वडा कार्यसमितिले शुभकामना आदानप्रदान गरेको हो ।
कोशी प्रदेश, प्रदेश सभा सदस्य गोपाल तामाङको प्रमुख आतिथ्यतामा आयोजित कार्यक्रममा मेचीनगर नगरपालिकाकी उपप्रमुख मीना पोखरेल उप्रेतीको विशिष्ट आतिथ्यता रहेको थियो ।
कार्यक्रममा नेपाल तामाङ घेदुङ संघ जिल्ला अध्यक्ष जगत तामाङ, इलाका प्रहरी कार्यालय काँकरभिट्टाका प्रमुख मीमबहादुर लामा, बिना तामाङ, रोजी तामाङ, लक्ष्मी थिङ, सुवास गुरुङ, कमल गोवाजु, धनकुमार राई, कमला मगर, कुमार तामाङ, फुलकुमारी तामाङ लगातको आतिथ्यता रहेको थियो ।
नेपाल तामाङ घेदुङ संघ मेचीनगर–६ का अध्यक्ष रामबहादुर घिसिङको अध्यक्षतामा सम्पन्न कार्यक्रमको सञ्चालन सचिव विशाल तामाङले गरेका थिए ।
