रातोपोस्ट संवाददाता
झापा, ३२ असार । झापाकाे बुद्धशान्ति गाउँपालिकामा खेत जोत्ने क्रममा ट्याक्टर अचानक पल्टिएर दुर्घटना हुँदा ट्याक्टरका सहचालकको मृत्यु भएको छ ।
शुक्रबार दिउँसो ४ बजे बुद्धशान्ति-५ शान्तिनगर गैरिगाँउस्थित खेतमा प्र.१-०१-००१ त ९३२५ न.को ट्याक्टरले खेत जोत्ने क्रममा अचानक पल्टिएर दुर्घटना हुँदा ट्याक्टरका सहचालक सोही ठाउँ बस्ने २६ वर्षिय विकास कुमालको घटनास्थलमै मृत्यु भएको हो ।
ट्याक्टर र ट्याक्टर चालक ३४ वर्षिय चन्द्रबहादुर कुमाल प्रहरीको नियन्त्रणमा रहेको इलाका प्रहरी कार्यालय धुलाबारीले जनाइएको छ ।