झापा, ५ कार्तिक । झापाकाे मेचीनगर स्थित काँकरभिट्टा सुदूरपूर्वडटकम अनलाइनको विधिवत् रुपमा आज उद्घाटन भएकाे छ । प्रेस क्लब मेचीनगरको सभाहलमा आयोजित एक कार्यक्रम बीच पत्रकार महासंघ झापाका अध्यक्ष एकराज गिरीले अनलाइनको डोमिन लगइन गरी विधिवत् रुपमा उद्वघाट गरेका हुन । यो अनलाइन सँगै मेचीनगरमा अनलाइनको संख्या ८ पुगेको छ। शिक्षा क्षेत्रको समाचारलाई प्रमुख समाचारको रुपमा पस्कने उद्देश्य सहित यो अनलाइन सुरु गरिएको अनलाइनका प्रधान सम्पादक एवम् सञ्चालक जि.आर. धितालले बताए ।
उद्घाटन कार्यक्रममा नेपाल पत्रकार महासंघ झापाका पूर्व अध्यक्ष मोहन काजी, प्रेस क्लब मेचीनगरका पूर्व अध्यक्षद्वय ज्ञानेन्द्र निरौंला तथा मुक्ति पौडेल, प्रेस क्लब मेचीनगरका अध्यक्ष डम्बर बराल, देवी मा.वि. बिर्तामोडका सह–प्रधानाध्यापक लिलाप्रसाद भण्डारी लगायतले शुभकामना दिएका थिए ।
कार्यक्रममा कान्तिपुर दैनिकका पत्रकार पर्वत पोर्तेल, प्रेस क्लब मेचीनगरका सचिव देबु बानियाँ, सहसचिव दिलिप थापा, छड्के अनुसंधान साप्ताहिकका सम्पादक खगेन्द्र घिमिरे, प्रेस चौंतारी झापाका सचिव प्रकाश पौंडेल, मेरो मेचीनगर डटकमका प्रधान सम्पादक दुर्गाबहादुर लुइटेल लगायत संचारकर्मीहरुको उपस्थिति रहेकाे थियो । विनिशा शर्माले स्वागत गरेकाे कार्यक्रममा अध्यक्षता संचारकर्मी राधाकृष्ण धितालले गरेका थिए ।