झापा, १ फागुन । झापाको मेचीनगर-९ मा जारी प्रथम वडाध्यक्ष कप फुटबल प्रतियोगितामा बजार क्षेत्र विजयी भएको छ । बुधबार स्थानीय कवि शिरोमणी माविको खेल मैदानमा भएको खेलमा खुटीडाँगी क्षेत्रलाई २-१ को गोल अन्तरले बजार क्षेत्र विजयी भएको आयोजक वडा खेलकुद विकास समिति मेचीनगर-९ का सचिव राजु धिमालले जानकारी दिए ।
प्रतियोगिताका उत्कृष्ट प्रदर्शनी गर्दै टिमलाई विजयी गराउन सफल जिवेता टिमका गाेल किपर युवराज डाँगी म्यान अफ द म्याच घोषित भए । उनलाई मेचीगर- ९ का वडा अध्यक्ष कन्चन कुमार तामाङले नगदसहित ट्रफि र मेडल प्रदान गरे ।
वडा खेलकुद विकास समिति मेचीनगर- ९ ले आयोजना गरेको प्रतियोगितामा वडाका विभिन्न ९ वटा टिमकाे सहभागीता रहेकाे छ । फागुन ६ गतेसम्म सञ्चालन हुने प्रतियोगिताको विजेता टिमले नगद ४० हजार र उपविजेता टिमले नगद २५ हजार सहित मेडल तथा प्रमाणपत्र प्राप्त गर्ने छन् ।