रातोपोस्ट संवाददाता
झापा, १० बैशाख । झापाको मेचीनगरमा ६ जनाले नेकपा एमाले परित्याग गरेको घोषणा गरेका छन् ।
नेकपा एमालेका मचीनगर- ४ का इन्चार्ज प्रविण भण्डारी, सह-इन्चार्ज प्रणा कार्की, वडा कमिटी सहसचिव प्रकाश पाण्डे, वडा सचिवालय सदस्य टिकाराम सापकोटा (रामु), संगठित सदस्य किरण प्रधान र सुस्मिता खतिवडा लगायतले पार्टी परित्याग गरेका हुन् ।
उनीहरुले आज प्रेस विज्ञप्ति जारी गर्दै नेकपा एमालेको विभिन्न पद र जिम्मेवारीबाट सामुहिक पार्टी परित्याग गरेको बताएका छन् । पार्टिमा हैकमवादी प्रबृत्ति माैलाएकाे कारण उनीहरुले असन्तुष्टी जनाउँदै पार्टि परित्याग गरेकाे जानकारी दिएका छन् । 