झापा, २२ असार । नेकपा (एकीकृत समाजवादी) निकट युवा संघ नेपालले रक्तदान कार्यक्रम गर्ने भएकाे छ । युवा संगठन झापाकाे आयाेजनामा विर्तामोडमा बृहत रक्तदान कार्यक्रम गर्ने भएकाे हाे ।

विर्तामोड स्थित अतिथि सदनमा असार २३ गते विहान ८ बजेदेखि रक्तदान कार्यक्रम हुने युवा संगठनका केन्द्रीय सदस्य राजन थापाले बताए । झापामा रगत अभाव भइरहेकाे बेला युवा संगठनले रगतकाे अभाव हुन नदिन रक्तदान गर्न लागेकाे युवा संगठनका केन्द्रीय सदस्य थापाले जानकारी दिए ।

उनले सम्पूर्ण युवा संगठन साथीहरुलाई रक्तदान गरेर सहयाेग गर्न पनि आग्रह गरेका छन् । युवा संगठनका केन्द्रीय सचिव प्रतुस राना मगरकाे प्रमुख आतिथ्यता रहने कार्यक्रममा २ सय ५० जना भन्दा बढीले रक्तदान गर्ने कार्यक्रम रहेकाे उनले जानकारी दिए ।