झापा, २९ साउन । झापाबाट नियमित रुपमा प्रकाशन हुँदै आइरहेको कनकाई साप्ताहिक ९ औं बर्षमा प्रवेश गरेको छ । झापाको सुरुङ्गा क्षेत्रबाट नियमित रुपमा अनलाइन संस्करणसहित प्रकाशित हुँदै आइरहेको यस साप्ताहिक यस क्षेत्रकै पहिलो अखबार र अनलाइन संस्करण हो ।

पत्रिका प्रेस काउन्सिलबाट (क) वर्गमा वर्गीकृत हुँदै आएको छ । पत्रिका र अनलाइन संस्करण ९ औं वर्षमा प्रवेश गरेसँगै पत्रिकाका सम्पादक प्रकाशक लीलाराज झापालीले आगामी यात्रामा पाठकसामु अझ नौला र ज्ञानवर्धक सूचना र समाचारहरू पस्कने प्रतिबद्धता जनाए ।

आगामी दिनमा श्रव्य दृश्य सहितका डिजिटल सामाग्रीका साथमा पत्रिकालाई समेत थप परिष्कृत बनाउँदै लैजाने झापालीले प्रतिबद्धता जनाए ।