झापा, १४ जेठ । मेचीनगर नगरपालिकाले विद्यालयको पठन पाठनलाई सुचारु राख्न अर्को सूचना जारी गरेको छ ।

नगर शिक्षा शाखाका प्रमुख होमनाथ भण्डारीले राति पानी परेको र मौसममा सुधार आएकाले हिजो आइतबार जारी गरिएको सूचनालाई फिर्ता लिई विद्यालय सुचारु गर्न अर्को सूचना जारी गरिएको बताए । आज नगरका सबै सामुदायिक र निजि विद्यालयको पठन पाठन सुचारु हुने भण्डारीले जानकारी दिए ।

यस अघि अत्याधिक गर्मिका कारण बालवालिकाको स्वास्थ्यमा असर पर्ने भन्दै नगरपालिकाको शिक्षा शाखाले हिजो विद्यालयको पठन पाठन स्थगित गर्ने सूचना जारी गरेको थियो ।