एजेन्सी। कोरोनाभाइरसका कारण विश्वभर १० हजार ४ सय ६ जनाको मृत्यु भएको छ । १ सय ८३ मुलुकमा फैलिसकेको कोरोनाभाइरसका कारण २ लाख ५३ हजार ७ सय ९६ जना संक्रमित भएका छन् ।
१ लाख ५४ हजार ३ सय २८ जनाको उपचार भइरहको छ । तीमध्ये ७ हजार ४ सय ५८को गम्भीर रहेको छ । कोरोनाकोउद्गम चीनमा भन्दा इटलीमा मृतकको संख्या धेरै भएको छ । इटलीमा मृतकको संख्या ३ हजार ४ सय ५ पुगेको छ ।
इरानमा १४ सय ३३ जनाको मृत्यु भएको छ । स्पेनमा मृतकको संख्या १ हजार २ पुगेको छ । जर्मनीमा ४४, अमेरिकामा २ सय १७, फ्रान्समा ३ सय ७२, दक्षिण कोरियमा ९४, स्विजरल्यान्डमा ४३, नेदरल्याण्डस्मा ७६ त्यसैगरी बेल्जियममा ३७ जनाको मृत्यु भएको छ ।
भाइरसको संक्रमण फैलिएसँगै युरोपका विभिन्न देशहरुले अधिकांश व्यवसाय बन्द गर्नुका साथै सार्वजनिक स्थलमा हिडडुल र जमघटमा प्रतिवन्ध लगाएका छन् ।
यसैबीच विश्व बैंक, युरोपेली केन्द्रीय बैंक लगायतका संस्थाले महामारी नियन्त्रणका लागि आपतकालीन कोषहरु स्थापना गर्न थालेका छन् ।
ती संस्थाहरुले कोरोनाको जोखमका कारण बढ्दै गएको महामारी नियन्त्रणका लागि कोषको रकम खर्च गर्न सकिने बताएका छन् ।