एजेन्सी । कोलम्बियाको एक कारागारमा भागदौड मच्चिँदा २३ जना कैदीको मृत्यु भएको छ ।
कोरानोको त्रासका कारण भएको भागदौडमा ८३ जना कैदीबन्दी घाइते भएको समाचारमा जनाइएको छ ।
कोलम्बियाका न्यायमन्त्री मार्गारिता काबेलोले ला मोडा जेलमा भएको भागदौडमा ८३ जना घाइते भएको पुष्टि गरेका छन् ।
देशभरका कैदी बन्दीले आफूहरु कोरोनाको उच्च जोखिममा रहेको भन्दा विरोध गरेपछि भएको घटनाबारे छानविन भइरहेको अधिकारीहरुले जनाएका छन् ।
घटनामा गम्भीर घाइते भएका ३२ जना कैदी र सात जना सुरक्षाकर्मीको उपचार भइरहेको छ ।
कोरोनाबाट बच्न कारागारमा सम्पूर्ण सुरक्षाका उपायहरु अपनाइएपनि अप्रत्यासित रुपमा घटना गराइएको सरकारी अधिकारीहरुको दाबी छ ।
घटना लगत्तै ठूलो संख्यामा कैदी बन्दीका आफन्तहरु कारागार बाहिर भेला भएको समाचारमा जनाइएको छ ।
देशभर रहेका एक सय ३२ कारागारको क्षमता ८१ हजार रहेपनि एक लाख २१ हजार कैदी राखिएको न्याय मन्त्रालयले जनाएको छ ।