News Portal

  • विश्वकपको फुटबलमा आजदेखि नकआउट चरणका खेल

    रातोपोस्ट संवाददाता
    १४९ पटक

    एजेन्सी, १७ मंसिर । कतारमा जारी फिफा विश्वकप फुटबलको राउण्ड अफ १६ अर्थात् नकआउट चरणको समीकरण पूरा भएको छ। गएराति भएको समूह चरणका अन्तिम चार खेल सकिएसँगै नकआउट चरणमा पुग्ने १६ टोलीको टुंगो लागेको हो।

    फिफाले विभाजन गरेको ८ समूहका शीर्ष दुई टोलीले नकआउट चरणमा स्थान बनाएका छन्। कतार विश्वकपमा समूह ‘ए’ बाट नेदरल्यान्ड्स विजेता र सेनेगल उपविजेता बन्दै नकआउट चरणमा पुगेका छन्।।

    समूह ‘बी’ बाट इंग्ल्यान्ड विजेता र अमेरिका उपविजेता, समूह ‘सी’ बाट अर्जेन्टिना विजेता र पोल्याण्ड उपविजेता, समूह ‘डी’ बाट फ्रान्स विजेता र अष्ट्रेलिया उपविजेता बन्दै नकआउट चरणमा पुगेका छन्।

    समूह ‘ई’ बाट जापान विजेता र स्पेन उपविजेता, समूह ‘एफ’ बाट मोरक्को विजेता र क्रोएसिया उपविजेता, समूह ‘जी’ बाट ब्राजिल विजेता र स्वीट्जरल्यान्ड उपविजेता तथा समूह ‘एच’ बाट पोर्चुगल विजेता र दक्षिण कोरिया उपविजेता बन्दै नकआउट चरणमा प्रवेश गरेका छन्।

    कसको खेल को सँग ?

    आज नकआउट चरणका खेल सुरु हुँदैछन्। पहिलो खेलमा नेदरल्यान्ड्स र अमेरिका भिड्ने छन्। यो खेल नेपाली समय अनुसार राति ८ः४५ बजे सुरु हुनेछ। दोस्रो खेलमा अर्जेन्टिना र अष्ट्रेलियाबीच प्रतिस्पर्धा हुनेछ। खेल राति १२:४५ बजे सुरु हुनेछ।

    यसबाहेक अन्य खेलमा फ्रान्स भर्सेस पोल्याण्ड, इंग्ल्याण्ड भर्सेस सेनेगल, जापान भर्सेस क्रोएसिया, ब्राजिल भर्सेस दक्षिण कोरिया, मोरक्को भर्सेस स्पेन र पोर्चुगल भर्सेस स्वीट्जरल्याण्डले प्रतिस्पर्धा गर्दैछन्।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)