झापा, १६ बैशाख । स्थानीय तहको निर्वाचनमा नेकपा (एकीकृत समाजवादी) मेचीनगरको निर्वाचनल परिचालन समिति शुभद्रा भट्टराई (अर्याल) को संयोजकत्वमा गठन भएको छ । नेकपा (एस) मेचीनगरका सचिव हरि तिम्सिनाका अनुसार पार्टीको प्रदेश कमिटीदेखि नगरकमिटी सम्मका पदाधिकारीहरु सो समितिमा रहेकाे बताए ।

आज धुलाबारीमा बसेको नेकपा (एकीकृत समाजवादी) मेचीनगर कमिटीको बैठकले सो निणर्य गरेको तिम्सिनाले बताए । उनका अनुसार निर्वाचन परिचालनका लागि विभिन्न उपसमिति पनि गठन भएको उनले जानकारी दिए । बैशाख ३० गते हुने स्थानीय तहको निर्वाचनमा मेचीनगरमा नेकपा (एस) एक्लै चुनावी मैदानमा रहेकाे छ ।