झापा, १३ कार्तिक । झापाको मेचीनगरस्थित इटाभट्टामा रहेकाे रेडियो मन्त्रको स्टेशन मेनेजरको जिम्मेवारी पत्रकार मनिसा गौतमलाई प्रदान गरिएको छ । मेचीनगर- ७ इटाभट्टामा स्टेशन कार्यालय रहेर १०५.४ मेगाहर्जमा प्रसारण सुरु भएको रेडियो मन्त्रको स्टेशन मेनेजरको जिम्मेवारी पत्रकार गौतमलाई प्रदान गरिएको रेडियोका कार्यकारी निर्देशक ज्ञानेन्द्र निरौलाले बताए ।

बिर्तामोड- ८ निवासी पत्रकार गौतमले २०६७ सालदेखि रेडियो पत्रकारिता सुरु गरेकी हुन । झापा र काठमाण्डौका विभिन्न रेडियोमा समाचार तथा कार्यक्रम शाखामा बसेर काम गरेकी उनी रेडियो मन्त्रमार्फत आम मानिसलाई रेडियोको प्रसारणमा जोड्न आफुले प्रयास गर्ने बताइन् । झापा टाइम्स मिडिया नेटवर्कले सञ्चालनमा ल्याएको रेडियो मन्त्रले २०७९ भदौ १६ गतेदेखि प्रसारण सुरु गरेको हो ।