झापा, २८ असाेज। झापामा हत्या गरेर फ्यालिएकाे अवस्थामा एक युवाकाे शव फेला परेकाे छ।  धारिलो हतियार प्रयोग गरी हत्या गरेर फ्यालेको अवस्थामा झापा सुरुंगा खोलास्थित बाँसघारीमा कन्काई नगरपालिका– ३ का २२ वर्षीय अभिषेक चौधरीकाे   शव फेला परेको प्रहरीले जनाएको छ ।

उनको टाउको र अनुहारमा धारिलो हतियारले प्रहार गरेको चोट रहेको जिल्ला प्रहरी कार्यालय झापाका सूचना अधिकारी प्रहरी नायव उपरीक्षक राकेश थापाले जानकारी दिए । घटनास्थलमा प्रहरी टोली खटाएर थप अनुसन्धान भइरहेको उनले बताए ।