रौतटह। रौतहटमा क्वारेन्टाइन बनाउने विषयमा भएको विवाद झडपमा परिणत हुँदा स्थितिलाई नियन्त्रणमा लिन प्रहरीले गोली चलाएको छ । कटहरिया नगरपालिकाले वडा नं १ भसेडवाको भसेडवा माध्यमिक विद्यालयमा क्वारेन्टाइन बनाउन लाग्दा स्थानीयसँग विवाद भएसँगै झडपको स्थिति उत्पन्न भएको हो ।

बस्तीसँग जोडिएको विद्यालयमा क्वारेन्टाइन बनाउन नदिने भन्दै स्थानीयले ढुङ्गामुढासमेत गर्न थालेपछि स्थितिलाई नियन्त्रणमा लिन प्रहरीले १२ राउन्ड हवाई फायर गरेको हो । सो क्रममा प्रहरी सहायक निरीक्षक हिरालाल साह घाइते भएका छन् । टाउको चोट लागेका उनको गरुडामा उपचार भइरहेको छ ।